حول البطاقة التموينية الجديدة
حسب التوجيه الصادر من قسم حاسبة التموين للتوضيح ان التحديث الحالي للبطاقة التموينية هو تحديث دائمي وليس تجريبي وعلى كافة العوائل تحديث معومات البطاقات التموينية لها خلال الفترة البالغة شهر اعتبارا من يوم الجمعة الموافق ٢٠٢٥/١/٢٤.
 |
| توضيح هام جدا.. حول البطاقة التموينية الجديدة |
الاسئلة الأكثر شيوعا حول تحديث البطاقة التموينية والأجوبة عليها.
- يصير ما احدث؟
ج/ كلا ؛ الكل مشمول بالتحديث لأنه خلال شهر واحد إذا لم تحدث سوف يتم حجب الحصة التموينيّة.
- عندي بنتي مزوجة وما منقولة ويه زوجها بعدها وياي بالبطاقة شسوي؟
ج/ إذا قريبة عليك تحدث حالها حال بقية أفراد العائلة، واذا في مكان بعيد تقوم بإرسال رابط التحديث لها عن طريق الواتساب، وبعدها تقوم هي بالدخول على الرابط وتحديث بياناتها .
- عندي أطفال يستلمون وياي وما ظهرت أسماءهم بالتطبيق؟
ج/ الأطفال المسجلين حديثا قبل ثلاثة أشهر بعدهم ما نزلم بالتطبيق ، قريبا ان شاء الله راح تنزل أسماءهم وتحدثهم.
- شوكت نستلم البطاقة التموينية؟
ج/ عند الانتهاء من التقديم سوف تظهر لك صورة من بطاقتك التموينية الإلكترونية تحتوي على الاسم والرقم ، هذه نسخة منها وبعد فترة سوف تستلمها من الوكيل على شكل موحدة.
- وصلتني رسالة بيها ارقام وكلمة مرور شنو هذني؟
ج/ هذه الأرقام الي عددهم 13 رقم من ضمنهن 7 صفاره / مثل 0000000345678 هذا رقم البطاقة التموينيّة الجديدة ، وكلمة المرور الي تضمن حروف وأرقام، مثلاً cvd3sd7m هذا رقم سري يجب الاحتفاظ به.
اخوان رقم البطاقة والرقم السري هذني تحتفظ بيهن راح يبقن وياك مدى الحياة، يعني من تريد أضيف طفل او تنقل او تفرز تحتاج الدخول إلى بطاقتك التموينية عن طريق هذا الحساب.
- كل ما أصور ما يقبل البرنامج الصورة؟
ج/ حاول تغير مكان الوقوف يجب ان يكون به اضاءة، وتأكد من ظهور الرأس بشكل كامل ، وحرك الرأس مع اتجاه الخط الأخضر مع إبقاء النظر على الكامرة.
- كل ما اسوي إرسال لمعلومات البطاقة التموينية يكلي فشلت العملية او رقم البطاقة غير مسجل ؟
ج/ تأكد من رقم البطاقة يجب ان يحتوي على 7 أرقام إذا اقل خلي قبله صفاره، كذلك رقم وكيل الغذائية والطحين يجب ان يتضمن 6 ارقام إذا اقل خلي قبله صفارة.
كذلك تأكد من وكيل الغذائية والطحين الي تستلم منه إذا كان نفسه الي بالبطاقة ماكو مشكلة، واذا انت منقول إلى غير وكيل ، اتصل عليه وآخذ منه ارقام الغذائية والطحين.
انتهى المقال احبتي لا تنسى مشاركة موقعنا الالكتروني «عرب بالعالم» وزورونا مرة اخرى عبر محركات بحث جوجل نوفر لكم كافة الاخبار العربية .